DAVLAT STANDARTLARI AMALGA KIRITILDI


Oʻzstandart” agentligi huzuridagi Departament mutaxassislari tomonidan tadbirkorlarni qoʻllab-quvvatlash va qoʻshimcha qulayliklar yaratish maqsadida bir turdagi mahsulotlarga yagona talablarni belgilovchi 12 ta davlat standartlari ishlab chiqildi. Ushbu standartlar, talablari turlicha boʻlgan 322 ta tashkilot standartlari oʻrniga ishlab chiqilgan boʻlib, tadbirkorlarimizga bepul beriladi. Shuni alohida taʼkidlash kerakki, tadbirkorlarimiz endilikda ushbu mahsulotlar uchun yangidan tashkilotning standarti ishlab chiqishga mablagʻ va vaqt sarflash tashvishidan ozod  boʻlish bilan birga, ushbu standartlar xalqaro meʼyorlar bilan uygʻunlashtirilganligi tufayli oʻz mahsulotini eksportga yoʻnaltirish imkoniga ham ega boʻlishadi. Masalan, quritilgan mevalar va yongʻoqlar toʻplamini qadoqlashni ixtiyor qilgan har bir tadbirkor alohida tashkilot standarti (Ts) ishlab chiqishi va ushbu standartning amal qilish muddati tugagandan soʻng yangilab turishi shart edi. Endilikda ushbu mahsulot ishlab chiqaradigan 29 nafar tadbirkor va ushbu faoliyat bilan kelgusida shugʻullanadigan ishbilarmonlar uchun yagona, xalqaro talablar bilan uygʻunlashtirilgan Oʻz DSt3470:2020 “Quritilgan mevalar va yongʻoqlar toʻplami. Qadoqlash, tamgʻalash, transportda tashish va saqlash” Oʻzbekiston Respublikasi davlat standarti ishlab chiqildi va amalga kiritildi. Shuningdek tadbirkorlar tomonidan koʻplab ishlab chiqariladigan shirin plitkalar (25 ta Ts oʻrniga), oyna yuvish uchun vosita (90 ta Ts oʻrniga), ikkilamchi polimer granulalar (10 ta Ts oʻrniga), polietilentereftalatdan preformalar (41 ta Ts oʻrniga) ishlab chiqaruvchilar uchun ham yangi davlat standartlari ishlab chiqildi va amalga kiritildi.

ДАВЛАТ СТАНДАРТЛАРИ АМАЛГА КИРИТИЛДИ

Ўзстандарт” агентлиги ҳузуридаги Департамент мутахассислари томонидан тадбиркорларни қўллаб-қувватлаш ва қўшимча қулайликлар яратиш  мақсадида бир турдаги маҳсулотларга ягона талабларни белгиловчи 12 та давлат стандартлари ишлаб чиқилди. Ушбу стандартлар, талаблари турлича бўлган  322 та ташкилот стандартлари ўрнига ишлаб чиқилган бўлиб, тадбиркорларимизга бепул берилади. Шуни алоҳида таъкидлаш керакки, тадбиркорларимиз эндиликда ушбу маҳсулотлар учун янгидан ташкилотнинг стандарти ишлаб чиқишга маблағ ва вақт сарфлаш ташвишидан озод  бўлиш билан бирга, ушбу стандартлар халқаро меъёрлар билан уйғунлаштирилганлиги туфайли ўз маҳсулотини экспортга йўналтириш имконига ҳам эга бўлишади. Масалан,  қуритилган мевалар ва ёнғоқлар тўпламини  қадоқлашни  ихтиёр қилган ҳар бир тадбиркор алоҳида ташкилот стандарти (Ts)  ишлаб чиқиши ва ушбу стандартнинг амал қилиш муддати тугагандан сўнг янгилаб туриши шарт эди. Эндиликда ушбу маҳсулот ишлаб чиқарадиган 29 нафар тадбиркор ва ушбу фаолият билан келгусида шуғулланадиган ишбилармонлар учун ягона, халқаро талаблар билан уйғунлаштирилган Oʻz DSt3470:2020  “Қуритилган мевалар ва ёнғоқлар тўплами. Қадоқлаш, тамғалаш, транспортда ташиш ва сақлаш”  Ўзбекистон Республикаси давлат стандарти ишлаб чиқилди ва амалга киритилди. Шунингдек тадбиркорлар томонидан кўплаб ишлаб чиқариладиган  ширин  плиткалар  (25 та Ts ўрнига), ойна ювиш учун восита (90 та Ts ўрнига), иккиламчи полимер гранулалар (10 та Ts ўрнига), полиэтилентерефталатдан преформалар (41 та Ts ўрнига) ишлаб чиқарувчилар  учун  ҳам  янги  давлат  стандартлари ишлаб чиқилди ва амалга киритилди.