SIFATI KAFOLATLANMAGAN MAHSULOT SOTILISHINING OLDI OLINMOQDA

Maʼlumki mahsulot va xizmatlarni ishlab chiqarish va realizatsiya qilishda huquqbuzarliklarni oldini olish “Oʻzstandart” agentligi xuzuridagi Departamentning asosiy vazifalaridan biri sifatida belgilangan.

Departamentning Xorazm viloyati mutaxassislari tomonidan bozorlar va savdo shaxobchalarida sifatsiz va nuqsonli maxsulotlarni aniqlash boʻyicha tizimli oʻrganishlar olib borilmoqda.

Ushbu oʻrganishlar davomida sifatsiz va nuqsonli maxsulotlar ishlab chiqargan qator korxonalarga koʻrsatmalar chiqarilib, aniqlangan kamchiliklar bartaraf etilishi taʼminlandi.

Jumladan: “TIMUR NAZAR” OK tomonidan ishlab chiqarilayotgan “Kefir” mahsulotning ishlab chiqarish sanasi va saqlash muddati koʻrsatilmaganligi, “XONQA ZILOL SUV” XK tomonidan ishlab chiqarilayotgan “Ayron” mahsulotida ishlab chiqarilgan sanasi koʻrsatilmaganligi, “BUNYODKOR SHOVOT” FX tomonidan ishlab chiqarilayotgan “Kefir” va “Suzma” mahsulotlarning ishlab chiqarilgan sanasi va meʼyoriy hujjat belgisi mavjud emasligi, “BOBUR-BEK QAYMOQ-LARI” MCHJ tomonidan ishlab chiqarilayotgan “Kefir” mahsuloti yorligʻida ishlab chiqarilgan sanasi koʻrsatilmaganligi va meʼyoriy hujjat notoʻgʻri belgilanganligi, “KOMIL XOʻJA” OK tomonidan ishlab chiqarilayotgan “Qaymoq” mahsulot yorligʻida ishlab chiqarilgan sanasi koʻrsatilmaganligi, “JAVOXIR SHOXRUX SERVIS” XK tomonidan ishlab chiqarilayotgan qandolat mahsulot yorligʻida ishlab chiqarilgan sanasi koʻrsatilmaganligi sababli standart talablari buzilganligi yuzasidan tushuntirish ishlari olib borildi va kamchiliklar bartaraf qilindi.

Departament xodimlari tomonidan bu kabi oʻrganishlar davom ettiriladi. Hurmatli isteʼmolchilarimizdan esa, mahsulot xarid qilishda sifatini tasdiqlovchi muvofiqlik sertifikatini talab qilish, mahsulot yorligʻida ishlab chikarilgan sanasi va saqlash muddati koʻrsatilganligiga eʼtibor qaratishni hamda ushbu talablar bajarilmagan holatda albatta Departamentning hududiy mutaxassislariga murojaat qilishni soʻrab qolamiz.

Bozor va doʻkonlarimizda sifatli mahsulotlar sotilishida jamoatchilik nazoratini oʻrnatishga barchamiz masʼulmiz.

“Oʻzstandart” agentligi xuzuridagi

Departamentning Xorazm viloyati boʻyicha

yetakchi mutaxassisi B.Xudaybergenov

СИФАТИ КАФОЛАТЛАНМАГАН МАҲСУЛОТ СОТИЛИШИНИНГ ОЛДИ ОЛИНМОҚДА

Маълумки  маҳсулот ва хизматларни ишлаб чиқариш ва реализация қилишда ҳуқуқбузарликларни олдини олиш “Ўзстандарт” агентлиги хузуридаги Департаментнинг асосий вазифаларидан бири сифатида белгиланган.

  Департаментнинг Хоразм вилояти мутахассислари томонидан бозорлар ва савдо шахобчаларида сифатсиз ва нуқсонли махсулотларни аниқлаш бўйича  тизимли ўрганишлар олиб борилмоқда.

Ушбу ўрганишлар давомида сифатсиз ва нуқсонли махсулотлар ишлаб чиқарган қатор корхоналарга кўрсатмалар чиқарилиб, аниқланган камчиликлар бартараф этилиши таъминланди.

Жумладан: “TIMUR NAZAR” ОК томонидан ишлаб чиқарилаётган “Кефир” маҳсулотнинг ишлаб чиқариш санаси ва сақлаш муддати кўрсатилмаганлиги, “ХОНҚА ЗИЛОЛ СУВ” ХК томонидан ишлаб чиқарилаётган  “Айрон” маҳсулотида ишлаб чиқарилган санаси кўрсатилмаганлиги, “БУНЁДКОР ШОВОТ” ФХ томонидан ишлаб чиқарилаётган “Кефир” ва “Сузма” маҳсулотларнинг ишлаб чиқарилган санаси ва меъёрий ҳужжат белгиси мавжуд эмаслиги, “BOBUR-BEK QAYMOQ-LARI” МЧЖ томонидан ишлаб чиқарилаётган  “Кефир” маҳсулоти ёрлиғида ишлаб чиқарилган санаси кўрсатилмаганлиги ва меъёрий ҳужжат нотўғри белгиланганлиги, “KOMIL XO`JA” ОК томонидан ишлаб чиқарилаётган “Қаймоқ” маҳсулот ёрлиғида ишлаб чиқарилган санаси кўрсатилмаганлиги, “JAVOXIR SHOXRUX SERVIS” ХК томонидан ишлаб чиқарилаётган қандолат маҳсулот ёрлиғида ишлаб чиқарилган санаси кўрсатилмаганлиги сабабли стандарт талаблари бузилганлиги юзасидан тушунтириш ишлари олиб борилди ва камчиликлар бартараф қилинди.

Департамент ходимлари томонидан бу каби ўрганишлар давом эттирилади. Ҳурматли истеъмолчиларимиздан эса, маҳсулот харид қилишда сифатини тасдиқловчи мувофиқлик сертификатини талаб қилиш, маҳсулот ёрлиғида ишлаб чикарилган санаси ва сақлаш муддати кўрсатилганлигига эътибор қаратишни ҳамда ушбу талаблар бажарилмаган ҳолатда албатта Департаментнинг ҳудудий мутахассисларига мурожаат қилишни сўраб қоламиз.

Бозор ва дўконларимизда сифатли маҳсулотлар сотилишида жамоатчилик назоратини ўрнатишга барчамиз масъулмиз.

“Ўзстандарт” агентлиги хузуридаги

Департаментнинг  Хоразм вилояти бўйича  

етакчи мутахассиси Б.Худайбергенов