Сифатсиз маҳсулот импорти чекланади

Ўзбекистон Республикаси Президентининг 2020 йил 21 августдаги ПҚ-4812-сонли “Маҳаллий ишлаб чиқарувчиларни қўллаб-қувватлашга доир қўшимча чора-тадбирлар тўғрисида”ги Қарорига мувофиқ сифатсиз, сертификатланмаган ва қалбаки, шунингдек Европа Иттифоқи (ЕИ) ва Евроосиё Иқтисодий Иттифоқида (ЕОИИ) хавфли маҳсулотлар ҳақида тезкор хабар бериш ахборот тизимларига киритилган маҳсулотлар мамлакатимизга  олиб кирилишининг олдини олиш мақсадида махсус ахборот тизими жорий этилди.

Ушбу ахборот тизимининг мақсади маҳаллий ишлаб чиқарувчиларни қўллаб-қувватлаш ва мамлакатимиз ҳудудига сифатсиз маҳсулотлар кириб келишининг олдини олишдан иборат.

2021 йил 1 январдан Ўзбекистон Республикаси Давлат божхона қўмитаси билан биргаликда Европа Иттифоқи давлатларига олиб кириш тақиқланган 19 та сифатсиз маҳсулотларнинг Ўзбекистонга ҳам  импортига тақиқ киритилди. Қуйидагилар ушбу маҳсулотлар қаторига киради:

Болалар учун идишлар тўплами

Огоҳлантириш тури: жиддий хавфга эга маҳсулот

Маҳсулот номи: set repas bambou – 5 pièces

Маркаси: VERBAUDET

Ишлаб чиқарувчи давлат: Хитой Халқ Республикаси

Хавф тури: бўғилиш, жароҳатланиш

Тавсифи: Бамбукдан тайёрланган композицион материалдан ясалган, декоратив нақшли (бегемот, денгиз шери) санчқи, қошиқ, тарелка ва стакандан иборат болалар учун идишлар тўплами.

Хавф: Маҳсулот ичидаги санчқи осон синиб, майда бўлакларга ажралади. Ёш бола майда бўлакларни оғзига солиб бўғилиб қолиши мумкин. Синган бўлаклар бола ички аъзоларини шикастлаш эҳтимоли мавжуд. Маҳсулот Европа стандарти EN 14372 талабларига жавоб бермайди.

Қадоқланиши: картон қути

Cоч турмаклаш  воситаси

Огоҳлантириш тури: жиддий хавфга эга маҳсулот

Маҳсулот номи: haircare 2 fasen

Маркаси: imago

Ишлаб чиқарувчи давлат: Бельгия

Хавф тури: кимёвий

Тавсифи:  шаффоф қопқоқ ва оқ-қора рангли ёзувлар билан кўк рангли контейнерда интернет орқали сотилган.

Хавф: Маҳсулот таркибида циклотетрасилоксан моддаси мавжуд (ўлчов қиймати: 4%). Косметика қоидаларида циклотетрасилоксан моддасини қўллаш тақиқланади. Маҳсулот косметика қоидаларига мувофиқ эмас.  

Ахборот тизимига киритилган сифатсиз маҳсулотлар билан сontrol.standart.uz электрон манзилида батафсил танишишингиз мумкин.