Очиқ маълумотлар

Департамент раҳбарининг Қорақалпоғистон Республикасида ишлаб чиқариш корхоналари ва тадбиркорлик субъектлари вакиллари билан   учрашувдаги нутқи

2019 йил 9 июль Нукус шаҳри

Ассалому алайкум ҳурматли дўстлар, ҳамкасабалар!

Сўнгги  йилларда  мамлакатимизда амалга оширилаётган ислоҳотлар кўлами барчамиздан бутун имкониятимизни, куч қудрату, салоҳиятимизни сафарбар қилиб ишлашни талаб қилмоқда. Иқтисодиётимизнинг барча соҳаларида  мисли кўрилмаган ўзгаришлар, кескин силжишлар кутилмоқда.     Ушбу ислоҳотларни ишлаб чиқаришнинг тамал тоши бўлган стандартлаштириш, метрология, сертификатлаштириш ва бошқа, Сиз билан биз фаолият кўрсатаётган соҳаларга муносабатни ўзгартмасдан амалга ошириб бўлмайди.

Шу боис ўтган йил адоғида Президентимизнинг ПҚ-4059-сонли Техник жиҳатдан тартибга солиш, стандартлаштириш, сертификатлаштириш ва метрология тизимларини янада ривожлантириш чора-тадбирлари тўғрисида”ги қарори қабул қилинди. Ушбу қарор билан “Ўзстандарт” агентлиги ҳузурида “Техник жиҳатдан тартибга солиш, стандартлаштириш, сертификат-лаштириш ва метрология соҳасидаги қонунчилик талабларига риоя қилинишини таъминлаш департаменти” ташкил қилиниб, Вазирлар Маҳкамасининг жорий йил 24 апрелдаги 348-сон қарори билан унинг ҳуқуқий мақоми, вазифалари белгиланди.

Қисқача айтадиган бўлсак ушбу қарорларнинг мазмун моҳияти, ҳозирги тезкор замонда биз, Сиз тадбиркорларнинг энг яқин кўмакчиси бўлишимизга қаратилган! Департамент бизга тегишли соҳалар, яъни техник жиҳатдан тартибга солиш, стандартлаштириш, метрология, сертификат- лаштириш ва бошқа турдош соҳаларда Сизга яқиндан ёрдам беришимиз, ушбу соҳаларда қонун бузилиши ҳолларининг олдини олишимиз, профилактика қилишимиз, Сизга жаҳон стандартларига мувофиқ рақобатбардош маҳсулот ишлаб чиқишингизда, уларни экспорт қилишингизда кўмакчи бўлиши керак. Менинг бугунги ташрифимдан мақсад  ҳам мана шулардан иборат. Шундай экан, келинг, яқиндан, очиқ суҳбатлашайлик, муаммолар бўлса, биргалашиб муҳокама қилиб, ечимини топишга ҳаракат қилайлик. Марҳамат! Кимда қандай саволлар,  бизга дахлдор соҳалар бўйича муаммолар бўлса, мурожаат қилишингиз мумкин.   Шу ўринда эслатиб ўтишим керак, Департаментнинг Қорақалпоғистон республикаси бўйича масъул  раҳбари ______________________________  ва бошқа мутахассисларимиз ҳам ушбу вазифаларни бажаришга йўналтирилганлар. Уларнинг эшиклари ҳамиша Сиз учун очиқ.